ਮੌਲਾਨਾ ਰੂਮੀ ਦੀ ਜਿੰਦਗੀ ਵਿੱਚ ਇੱਕ ਵਾਕਾ

ਮੌਲਾਨਾ ਰੂਮੀ ਇਕ ਦਿਨ ਖ਼ਰੀਦੋਫ਼ਰੋਖ਼ਤ ਦੇ ਸਿਲਸਿਲੇ ਵਿੱਚ  ਬਾਜ਼ਾਰ ਤਸ਼ਰੀਫ਼ ਲੈ ਗਏ। ਇਕ ਦੁਕਾਨ

ਪਰ ਜਾਕੇ  ਰੁਕ ਗਏ। ਦੇਖਿਆ   ਕਿ ਇਕ ਔਰਤ ਕੁਛ ਸੌਦਾ  ਖ਼ਰੀਦ ਰਹੀ ਹੈ। ਸੌਦਾ ਖ਼ਰੀਦਣ ਦੇ

ਬਾਅਦ ਜਦ  ਔਰਤ ਨੇ ਰਕਮ ਅਦਾ ਕਰਨੀ  ਚਾਹੀ ਤਾਂ  ਦੁਕਾਨਦਾਰ ਨੇ ਕਿਹਾ ,

“ਇਸ਼ਕ ਵਿੱਚ  ਪੈਸੇ ਕਹਾਂ ਹੋਤੇ ਹੈਂ, ਛੋੜੋ ਪੈਸੇ ਔਰ ਜਾਉ”

ਅਸਲ ਵਿੱਚ ਉਹ ਦੋਨੋਂ  ਆਸ਼ਿਕ   ਮਾਸ਼ੂਕ ਸਨ । ਮੌਲਾਨਾ ਰੂਮੀ ਇਹ  ਸੁਣ ਕੇ  ਗ਼ਸ਼  ਖਾਕੇ  ਗਿਰ

ਪਏ । ਦੁਕਾਨਦਾਰ ਸਖ਼ਤ ਘਬਰਾ ਗਿਆ । ਇਸ ਦੌਰਾਨ ਉਹ ਔਰਤ ਵੀ ਉਥੋਂ ਚਲੀ ਗਈ। ਖ਼ਾਸੀ

ਦੇਰ   ਬਾਅਦ ਜਦ ਮੌਲਾਨਾ ਨੂੰ  ਹੋਸ਼ ਆਇਆ ਤਾਂ  ਦੁਕਾਨਦਾਰ ਨੇ ਪੁਛਿਆ ।

ਮੌਲਾਨਾ ਆਪ ਕਿਉਂ ਬੇ ਹੋਸ਼ ਹੋਏ?ਮੌਲਾਨਾ ਰੂਮੀ ਨੇ ਜਵਾਬ ਦਿੱਤਾ ।

"ਮੈਂ  ਉਸ ਬਾਤ ਪਰ ਬੇ ਹੋਸ਼ ਹੋਇਆ   ਕਿ ਤੇਰੇ ਅਤੇ ਉਸ ਔਰਤ ਵਿੱਚ  ਇਸ਼ਕ ਇਤਨਾ ਮਜ਼ਬੂਤ ਹੈ

ਕਿ ਦੋਨਾਂ  ਵਿੱਚ  ਕੋਈ ਹਿਸਾਬ ਕਿਤਾਬ ਹੀ ਨਹੀਂ, ਜਦ ਕਿ  ਅੱਲ੍ਹਾ ਨਾਲ  ਮੇਰਾ ਇਸ਼ਕ ਇਤਨਾ ਕਮਜ਼ੋਰ

ਹੈ ਕਿ ਮੈਂ  ਤਸਬੀਹ ਵੀ ਗਿਣ ਕੇ ਕਰਦਾ ਹਾਂ ।"

ਦੇਖ ਤੋ ਦਿਲ ਕਿ ਜਾਂدیکھ تو دل کہ جاں -ਮੀਰ ਤੱਕੀ ਮੀਰ میر تقی میر

ਦੇਖ ਤੋ ਦਿਲ ਕਿ ਜਾਂ ਸੇ ਉਠਤਾ ਹੈ

ਯੇ ਧੂੰਆਂ ਸਾ ਕਹਾਂ ਸੇ ਉਠਤਾ ਹੈ

ਜਾਂ-- ਕਿੱਥੇ

ਗੋਰ ਕਿਸ ਦਿਲ ਜਲੇ ਕੀ ਹੈ ਯੇ ਫ਼ਲਕ

ਸ਼ੋਲਾ ਇਕ ਸੁਬਾ ਯਾਂ ਸੇ ਉਠਤਾ ਹੈ

ਗੋਰ--ਕਬਰ

ਖ਼ਾਨਾ ਏ ਦਿਲ ਸੇ ਜਿਨਹਾਰ ਨਾ ਜਾ

ਕੋਈ ਐਸੇ ਮਕਾਂ ਸੇ ਉਠਤਾ ਹੈ!

ਜਿਨਹਾਰ--ਕਦੇ ਵੀ

ਨਾਲਾ ਸਿਰ ਖੇਂਚਤਾ ਹੈ ਜਬ ਮੇਰਾ

ਸ਼ੋਰ ਇਕ ਆਸਮਾਂ ਸੇ ਉਠਤਾ ਹੈ

ਨਾਲਾ--ਰੋਣਾ

ਲੜਤੀ ਹੈ ਉਸ ਕੀ ਚਸ਼ਮ ਏ ਸ਼ੋਖ਼ ਜਹਾਂ

ਇਕ ਆਸ਼ੋਬ ਵਾਂ ਸੇ ਉਠਤਾ ਹੈ

ਸੁਧ ਲੇ ਘਰ ਕੀ ਭੀ ਸ਼ੋਲਾ ਏ ਅਵਾਜ਼

ਦੂਦ ਕੁਛ ਆਸ਼ੀਆਂ ਸੇ ਉਠਤਾ ਹੈ

ਦੂਦ-- ਧੂੰਆਂ

ਬੈਠਨੇ ਕੌਨ ਦੇ ਹੈ ਫਿਰ ਉਸ ਕੋ

ਜੋ ਤੇਰੇ ਆਸਤਾਂ ਸੇ ਉਠਤਾ ਹੈ

ਯੂੰ ਉਠੇ ਆਹ ਉਸ ਗਲੀ ਸੇ ਹਮ

ਜੈਸੇ ਕੋਈ ਜਹਾਂ ਸੇ ਉਠਤਾ ਹੈ

ਇਸ਼ਕ ਇਕ ਮੀਰ ਭਾਰੀ ਪੱਥਰ ਹੈ

ਬੋਝ ਕਬ ਨਾਤਵਾਂ ਸੇ ਉਠਤਾ ਹੈ

ਨਾਤਵਾਂ-- ਕਮਜ਼ੋਰ

(ਮੀਰ ਤੱਕੀ ਮੀਰ)

ਹੀਰ ਵਾਰਿਸ ਸ਼ਾਹ 1 ہیر وارث شاہ

ਅਵਲ  ਹਮਦ  ਖੁਦਾ  ਦਾ  ਵਿਰਦ  ਕੀਜੇ

ਇਸ਼ਕ਼  ਕੀਤਾ  ਸੁ  ਜੱਗ  ਦਾ  ਮੂਲ  ਮੀਆਂ

ਪਹਿਲਾਂ  ਆਪ  ਹੀ  ਰੱਬ  ਨੇ  ਇਸ਼ਕ਼  ਕੀਤਾ

ਤੇ  ਮਸ਼ੂਕ਼  ਹੈ  ਨਬੀ  ਰਸੂਲ  ਮੀਆਂ

ਇਸ਼ਕ ਪੀਰ ਫਕੀਰ ਦਾ ਮਰਤਬਾ ਹੈ

ਮਰਦ ਇਸ਼ਕ ਦਾ ਭਲਾ ਰੰਜੂਲ ਮੀਆਂ

ਖਿਲੇ ਤਿਨ੍ਹਾ ਦੇ ਬਾਗ ਕਲੂਬ ਅੰਦਰ

ਜਿਨ੍ਹਾ ਕੀਤਾ ਹੈ ਇਸ਼ਕ ਕਬੂਲ ਮੀਆਂ

ਵਾਰਿਸ ਸ਼ਾਹ ਦੀ ਹੀਰ ਦੁਨੀਆ ਦੀਆਂ ਮਹਾਨ ਸਾਹਿਤ ਰਚਨਾਵਾਂ ਵਿਚੋਂ ਇਕ ਹੈ

ਮੈਂ ਅੱਜ ਹੀ ਇਸਦਾ ਅਧਿਅਨ ਸ਼ੁਰੂ ਕੀਤਾ ਹੈ

ਦਮਾਦਮ ਮਸਤ ਕਲੰਦਰ دمادم مست کلندر

ਦਮਾਦਮ ਮਸਤ ਕਲੰਦਰ-ਹਜਰਤ ਲਾਲ ਸ਼ਾਹਬਾਜ਼ ਕਲੰਦਰ ਉਰਫ ਝੂਲੇ ਲਾਲ

ਦਮਾਦਮ ਮਸਤ ਕਲੰਦਰ ਅਜਿਹਾ ਗੀਤ ਹੈ ਜਿਹੜਾ ਹਿੰਦ ਉਪ ਮਹਾਂਦੀਪ ਦੀ ਏਕਤਾ ਵਿੱਚ ਅਨੇਕਤਾ ਵਾਲੇ ਵਿਲਖਣ ਸਭਿਆਚਾਰ ਨਾਲ ਸੰਬੰਧਿਤ ਹਰੇਕ ਜਣੇ ਦੀ ਜ਼ਬਾਨ ਤੇ ਤੈਰਦਾ ਰਹਿੰਦਾ ਹੈ.ਇਹੋ ਜਿਹੀ ਕਮਾਲ ਰੂਹਾਨੀ ਸਿਰਜਨਾ  ਆਮ ਨਹੀਂ ਮਿਲਦੀ ਹੁੰਦੀ.ਇਹ ਗੀਤ ਹੈ ਜਿਸ ਵਿੱਚ ਸਾਡੀ ਏਕਤਾ ਸਾਡੀ ਮੁਹੱਬਤ ਵਸਦੀ ਹੈ ਜੋ ਸਾਨੂੰ ਨਵੀਂ ਤਾਜਾ ਉਰਜਾ ਨਾਲ ਤ੍ਰਿਪਤ ਕਰਦੀ ਰਹਿੰਦੀ ਹੈ.ਇਹੋ ਜਿਹੇ ਗੀਤ ਹੀ ਮਨੁਖੀਕਰਣ ਦੇ ਅਮਲ ਵਿੱਚ ਕੇਂਦਰੀ ਅਦਾਕਾਰ ਹੁੰਦੇ ਹਨ.
ਇਹਨੂੰ ਗਾਉਣ ਵਾਲਿਆਂ ਦੀ ਸੂਚੀ ਬਹੁਤ ਲੰਬੀ ਹੈ.ਸਾਡੇ ਖਿੱਤੇ ਦੇ ਹਰ ਮਸ਼ਹੂਰ ਗਾਇਕ ਨੇ ਇਹ ਗੀਤ ਗਾਇਆ ਹੈ.ਇਸ ਗੀਤ ਵਿੱਚ ਸੰਗੀਤ ਦੀ ਹੋਂਦ ਐਸੀ ਜਾਨਦਾਰ ਹੈ ਕਿ ਗਾਇਕ/ਕਵਾਲ ਮਲੋਮਲੀ ਲੋਰ ਵਿੱਚ ਝੂਮਣ  ਲਗ ਪੈਂਦੇ ਹਨ.ਸਰੋਤੇ ਵੀ ਰੂਹਾਨੀ ਮੰਡਲਾਂ ਵਿੱਚ ਘੁਮੇਰ ਨਾਚ ਦੀ ਮੁਦ੍ਰਾ ਵਿੱਚ ਉਡਣ ਲਗ ਪੈਂਦੇ ਹਨ.ਇਸ ਬ੍ਰਿਹਮੰਡੀ ਪਲ ਦੀ ਸਿਰਜਣਾ ਵਿੱਚ ਸਭ ਤੋਂ ਅਹਿਮ ਅਨਸਰ' ਹਜਰਤ  ਲਾਲ ਸ਼ਾਹਬਾਜ਼ ਕਲੰਦਰ' ਦੀ ਅਜੀਮ ਹਸਤੀ   ਹੈ.ਇਸ ਨਾਂ ਦਾ ਹਰੇਕ ਹਰਫ਼ ਅਰਥ ਭਰਪੂਰ ਹੈ.ਹਜਰਤ ਦਾ ਅਰਥ ਹੈ ਪੈਗੰਬਰ.ਲਾਲ ਅਨੇਕ ਅਰਥੀ ਸ਼ਬਦ ਹੈ -ਮਾਂ ਦਾ ਲਾਲ ,ਕੀਮਤੀ ਪੱਥਰ,ਲਾਲ ਰੰਗ(ਉਹ  ਲਾਲ ਰੰਗ ਦੇ ਕਪੜੇ ਪਾਉਂਦਾ ਸੀ).ਸ਼ਾਹਬਾਜ਼ ਬਾਜਾਂ ਦੇ ਬਾਦਸ਼ਾਹ ਨੂੰ ਕਹਿੰਦੇ ਹਨ,ਇੱਕ ਇਰਾਨੀ ਦੇਵਤਾ ਵੀ ਸੀ ਜਿਸ ਨੇ ਉਹਨਾਂ ਨੂੰ  ਜਿੱਤ ਦਿਵਾਈ ਸੀ.ਕਲੰਦਰ ਦਾ ਭਾਵ ਹੈ ਇੱਕ  ਸੂਫੀ ਸੰਤ,ਕਵੀ,ਕਲੰਦਰੀ ਦਾ ਪੈਰੋਕਾਰ ਅਤੇ ਉਦਾਸੀਆਂ ਵਿੱਚ ਰਹਿਣ ਵਾਲਾ ਫਕੀਰ. ਆਪਣੀ ਜਿੰਦਗੀ ਦੇ ਅਖੀਰ ਵਿੱਚ ਉਹ ਸਿੰਧ ਦੇ ਸੇਰਵਾਂ ਸਥਾਨ ਤੇ ਵਸ ਗਿਆ ਸੀ.ਉਹਨੇ ਸਾਰੀ ਉਮਰ ਹਿੰਦੂ ਮੁਸਲਮ ਏਕਤਾ ਲਈ ਧੜਲੇਦਾਰ ਕੰਮ ਕੀਤਾ.ਇਸੇ ਲਈ ਉਹ ਪਾਰਫਿਰਕੂ ਮਕਬੂਲੀਅਤ ਹਾਸਲ ਕਰਣ ਵਿੱਚ ਕਾਮਯਾਬ ਹੋਇਆ.ਉਹ ਝੂਲੇ ਲਾਲ ਨਾਂ ਨਾਲ ਵੀ ਮਸਹੂਰ ਹੈ.